الأحد، 3 أغسطس 2014

صمت

كل اللي ع بالي مش عايزة أقوله/أواجهه

المؤكد: "مابقتش مستنية خير من حد قريب"
عارفة كل الطرق اللي ودت لده.. لكن مش باين لسه الطريق اللي يخرج منه

كوابيسي:
"مواقف الحياة العادية الآمنة اللي بتتحول عناصرها لتهديد مباشر على حياتي"

الخوف مش إن ده يحصل..
الخوف من إنعدام الآمان جوايا

ــــــــــ
الأصحاب اللي خايفين على حضوري بينهم أكتر ما خايفين عليا..
الناس اللي عايزة تساعدني بالحاجات اللي أنا مش محتاجاها..
والطلبات المباشرة الصريحة اللي مابتتلباش..
ــــــــ

طيب مع كل تقديري للنوايا الطيبة.. أنا بتأذي


ليست هناك تعليقات: