الاثنين، 21 يوليو 2014

I hate it, I hate the way you're always right.
I hate it when you lie.
I hate when you make me laugh, even worse when you make me cry.

I hate it that you're not around,
and the fact that you didn't call.


But mostly I hate the way I don't hate you.
Not even close,
not even a little bit,
not even at all.

الأحد، 20 يوليو 2014

...


من تلات اسابيع كنت مع أحمد في عربيته وقالي ان المحامي بيستكمل الإجراءات وهايستخرج شهادة وفاة ثم إعلام وراثة!
أنا بتجاهل كم الوجع المتداري في "شهادة وفاة" من ساعتها
...
من كام سنة شفت كابوس:
كنت في زيارة لعيلة يبدو من طريقة الكلام بينا ان فيه ود كبير رغم حداثة المعرفة.. في نقطة ما دخلت أوضة الست علشان نكمل كلام جوا
كان فيه جسد ممدد في السرير وهي طول كلامنا بتمسح على جسمه بحنية وطبطبة مستمرة.. ثم فجأة أدركت إن الجسد ده لراجل ميت.. أبوها
وأنا لحظتها اتفزعت وخرجت من بيتهم جري!
...
احنا اتفقنا اني هادحرج الحجر المربوط في قلبي بدل ما ببذل جهود في الجري منه وبترد له بنفس الشدة
...
أنا دلوقتي مافييش طاقة أدحرجه
ممكن اتسند عليه وأنام شوية

السبت، 12 يوليو 2014

منامنامناه


في حاجة بتحصل في الفترة من خمسة ونص لستة صباحا بتجمع كل المخاوف دي جوايا
:(
الكوابيس بقت تقليد شبه يومي.. بقيت عارفة مواعيدها، وعارفة الحالة اللي هاصحى بيها وعارفة كمان نوبة العياط اللي بعدها وأنسب مكان في الأوضة علشانها!


زمان..
كان اللي معدي جنبي وأنا نايمة لازم يصحيني علشان صوت ضروسي وهي بتضغط ع بعض عالي!
دلوقتي مافيش حد يسمع الصوت ده.. يمكن علشان كده بقول لنفسي ما بيحصلش، لكني بصحى من النوم وصوابعي بتوجعني.. النهارده لما فقت من الكابوس أخدت بالي إن صوابعي مقفولة على كفي جامد!



الكابوس النهارده كان ليه "تيمة" مختلفة!
كان عن الناس القريبين اللي بيأذوا من غير ما ياخدوا بالهم.. كان عن الرعاية المقدمة بطريقة مختلفة كتير عن اللي محتاجاه!

عن الأفعال اللي من نوعية: نأكل العصفورة أيس كريم علشان طعمه حلو واحنا بنحبه!


العصفور لو مات.. يستاهل، هو اللي وثق كفاية إن حد تاني ممكن يعرف مصلحته أكتر منه..


الخميس، 10 يوليو 2014

اللهم أرح هذه القلوب الحيرى المتعبة

صديقتي الأقرب ترغب في صبغ شعرها بالأخضر!


ستة أشهر..
أقاوم بشدة قص شعري..
الثقل الوحيد برأسي الذي يمكن التخلص منه بسلاسة!