الجمعة، 28 مارس 2014

The Red Cross


ارهب طرق هذا الباب..
فتفتح لي مبتسما
أو
يدلني أخرين على شاهد قبر
وربما تظل
رغم كل شيء
شبحا
نصف حي
نصف ميت
تماما
كقط شرودينجر

الجمعة، 21 مارس 2014

الحقيقة المجردة..


- إنت كده ليكي مين؟
- امم ماعرفش.
- يعني مين في الدنيا تتسندي عليه؟
- ماحدش
..
- ومش خايفة؟
- اممم.. بيتهيئلي لأ
- ..
- ..  أظن مش هاتفرق

الخميس، 20 مارس 2014

الاثنين، 17 مارس 2014

..4

..
احنا بنكبر
بنقابل ناس جديدة وبنفترق عن ناس نعرفهم

الونس مؤقت والوحشة باقية

والحياة بتستمر.. بينا
ومن غيرنا
..

الأحد، 16 مارس 2014

.. 3


في اللحظة اللي طبنجته كانت في بوقي وسامعة احتكاك الرصاص بالماسورة ماكنتش بفكر غير إن هانت.. لحظة كمان والكابوس هاينتهي

لما صحيت.. حزنت

مش عارفة علشان الكابوس مانتهاش
ولا علشان ماعنديش حاجة أقاوم ليها الموت

الأربعاء، 12 مارس 2014

معضلة..



شايلة حاجة تقيلة جدا جوا قلبي
ومش عارفة مين.. 

يستحمل/يستاهل/يفهم/يحس
؟

ف اخرجها واحطها بيننا
يمكن نلاقي فيها حل

الأحد، 2 مارس 2014

موكا

كام مرة بفتكر حاجة عملناها سوا وببقى عايزة أرجع للحالة دي بينا تاني..
الثواني اللي بفتكر فيها تسلسل الأحداث لحد الوضع الحالي بستوعب ببطئ -كل مرة- إن الزمن بيتحرك في اتجاه واحد..

وإن كل أمالي الحالية تتلخص في مداواة الجروح اللي نتجت عن مأساة جريت منها بكل طاقتي لكنها طاردتني وحصلتني وشوهت جزء أصيل مني!



دلوقتي..
أنا عرفت؛ ليه مخنوقة بالمشكلة الجديدة كده.. وليه التواصل بيني وبين الناس بقى في اتجاه واحد!

شكر خاص للي دمر الاتجاه التاني..