الخميس، 5 ديسمبر، 2013

Where the wild things are!

لا توحِشِ النَفْسَ بخوف الظُنون
واغْنَمْ من الحاضر أمْنَ اليقين


كنت بدعك سناني وبفكر في تعليق ريهام؛ كانت بتقولي أنا مبسوطة إنك بتضحكي وكويسة!
وبعده ضحكتي الطويلة وتأكيد إني مش كويسة خالص!
وإني قلتلها انها مادام ظلمت قوي كده يبقى مش هاتطول ع الأقل مش هاتفضل ع نفس الوضع ده كتير!

فجأة –وأنا بدعك سناني أفتكرت-
بس أنا أصلا أصلا بحب الظلمة!
ايوه من يوم ما بابا علمني السر وأنا بحبها؛ قالي إني خيالي الواسع هو اللي بيخوفني وإني لما استئنس الكائنات اللي بتخوفني في الظلمة واتألف معاهم، هانبقى أصحاب!
وقد كان..
أنا بحب وحوش خيالي جدا!
شكلهم مش بيخوف قوي كمان لما يبتسمولي J


التغيير الأساسي دلوقتي إن الوحوش المرة دي مش في خيالي!

بس ربنا هايلهمني حل أكيد!
مش كده؟!



هناك تعليق واحد:

مروة يقول...

الله كريم يا رودي
هيحلها وهيرزقك النور والونس يا طيبة