السبت، 7 سبتمبر، 2013

تــــــــــــــــــالت!!

الصبح كنت بفكر إن أحداث الحياة بتتكرر.. وإني بالقياس لحدث بعينه بعيش الدورة التالتة لنفس الأزمة، لسه الوضع ماتأزمش قوي لكن في تالت مرة الواحد بياخد باله بدري كفاية!!قبل كده كنت عارفة كويس "لو رجع بيا الزمن مش هاغير إختياري" حتى بعد معرفتي بالتمن اللي كان غالي قوي..


المشكلة دلوقتي.. إني بكرر نفس الإختيار على أمل إن دفع نفس التمن للمرة التالتة هايكون أخف وطأة!


مش عارفة المفروض أزعل على نفسي علشان مابتعلمش

ولا أطبطب عليا بإن الإنساني لسه سابق المصلحة في أولوياتي؟

هناك 4 تعليقات:

نهى جمال يقول...

هطبطب عليكي لأنك إنسانة طبيعية يا بطة :*

Muhammad يقول...

وانتى فاكره ان ممكن تلاقى اجابة عند حد مننا؟ لول كنا نفعنا نفسنا يا عمى. نحن مَن نحن؛ لأننا نقف حيال هذه الأسئلة فى عجز تام، رغم أن غيرنا كان ليحدد موقفه حيالها - ربما - بكل سهولة. احنا بتوع الـ ربما والـ مش عارف والـ يمكن والـ وارد والـ احتمال يا عمى. صباح الخير :)

habiba يقول...

ازعلى وطبطبى عليكى :)
هى حاجة تزعل...بس ما باليد حيلة فيه حاجات مش بنعرف نغيرها فى نفسنا...
بس أكيد هتلاقى فى يوم اللى يقدر ده ومش يخليكى تدفعى التمن تانى.
تحياتى...

Radwa يقول...

نهى.. يخليكي ليا يا ام قلب طيب :*
ــــ
محمد.. احنا بتوع الحيرة والوقوف في عرض الطريق للتفكير والتنظير فعلا
صباح الفل يا باشا :D
ــــ
حبيبة.. كله على الله وربك كريم
:)