الاثنين، 29 يوليو، 2013

بخار..

http://oneiric-studios.blogspot.com/2011/08/steam-punk.html



الأيام اللي زي دي!

الإرتباك ده..  اللي بيخلي كل الصور تتهز!

الوجع اللي ماببقاش فاهمة هو عادي والمفروض استنى عليه وابطل دلع وماقلقش ولا المفروض أجري ع أقرب مستشفى وأطلب مساعدة!

الإيقاع اتبخر!
مش فاهمة الوقت من غير إيقاع.. مش فاهمة المشاهدات ومافيش بينها رابط منطقي/شعوري غير القرف!

الكبار بيصغروا.. قوي!
كل حاجة بتصغر.. وحده الصفاء اللي ف قلوب البعض بينور ويحاول ينجي بنفسه من الوَسَخ!
الكبار بيصغروا قوي وكل مرة الكبار صغروا فيها ماكبروش تاني!

الدنيا هينة جدا.. ودنيئة جدا!

وأنا بحاول اتشبث بفكرة واحدة وخايفة تفلتني!

من شهرين..
في ميدان الجيزة.. نفس المكان اللي فريدة شهدت فيه تبادل إطلاق النار!
كنت بفكر؛ "هو أنا ممكن أكفر بسبب كل الظلم اللي بشوفه بعيني!"


يارب.. ماتضيعناش!

ليست هناك تعليقات: