الخميس، 25 يوليو 2013

فاصل من المحبة


كل فترة كده بفكر في إخواتي الإتنين، قد ايه احنا التلاتة مختلفين في وجهات النظر وطريقة الحياة وترتيب الأولويات..
كل مرة بفكر كده بحس إن ماكانش فيه علاقة ممكن تربط تلات بني أدمين هما احنا بينهم الإختلاف ده غير الإخوة.. 
احنا لو جيران ماظنش كان هايبقى بيني وبين مي غير:
( صباح الخير، بنلم فلوس علشان نجدد سلم العمارة )

وغالبا ماكانش هايبقى فيه بيني وبين أحمد أي كلام من أي نوع ممكن ابتسامة لو صادفنا بعض ع السلم ولا حاجة!!

كل مرة بفكر كده بحس قد ايه أنا فخورة بأمي -الله يرحمها- اللي ربتنا وبأختي وعلاقتها بولادها اللي هما أهم أولوياتها في الحياة!

{وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا}
آمين

♥ ♥

هناك تعليقان (2):

Hussam Zeyada يقول...

الاختلاف من اجمل اثراءات الحياه ولولا الاختلاف فى الفكر والطموح لما رأينا الكمبيوتر ذلك الجهاز اللعين

Radwa يقول...

الحمد لله على نعمة الإختلاف
:)