الاثنين، 6 مايو، 2013

بسيطة!

بعد إسبوعين -يمكن أكتر- من اللف على الدكاترة و المشاوير المفاجأة للطوارئ..
والألم..
الوجع اللي كل مرة بسأل نفسي هو ممكن يبقى الموت بيوجع أكتر من كده!
بعد ما خضيت كل الناس دي عليا..
بعد الجهود الكبيرة علشان أقوم من السرير أوصل للمطبخ و السؤال اللي ماكانش ممكن يخطر على بالي قبلها "هو ليه المطبخ بعيد قوي كده"!!
و تكرار المشوار مرة كمان علشان أخدت إزازة المية و نسيت شريط الدوا على الرخامة!
بعد كل ده!
It's PSYCHOSOMATIC dear!!

كل الحدوتة إني موجوعة شوية -كتير قوي- ووجع القلب وحش جدا على معدة فاضية!!    

هناك 3 تعليقات:

نهى جمال يقول...

سلامتك يا بطة :)

Radwa يقول...

الله يسلمك يا نهى
غمة و إنزااااااااااحت
:D

نهى جمال يقول...

طب الحمد الله :)

يا رب دايمًا مُنزاحة