الاثنين، 8 أبريل، 2013

أنا جالي ورد!!

أول ما مسكته ف إيدي و رجعت قعدت على مكتبي أفتكرت تعليق واحدة صاحبتنا كانت بتقول" اممم جالك ورد.. أكيد بعد الخناقة"

الحقيقة ماقدرش أنكر.. كتير كان بيبقى بعد الخناقة.. -اللي هو يعني ولا ليه أي لازمة- لكن أوقات برضه بيبقى مالوش أيتوها علاقة بالخناقات..
حاجة كده زي..
بأننا لسه بنعرف نقضي وقت حلو سوا
أو
بداية الربيع
أو
لإننا صحينا من غير مناسبة النهارده مبسوطين
أو حتى
علشان نصحى بكره من النوم مبسوطين.. و عندنا لسه أمل في حاجات كتير حلوة تحصل

النهارده بالذات..
متأكدة إن فيه حاجات كتير قوي أحلى جاية في الطريق.
امم يمكن لإن الطريق نفسه بقى كده أحلى..
فبقينا نمشي خطوات للحاجات الحلوة قد ما بتمشي خطوات علشان نتقابل ف النص


بكره.. أحلى

هناك 5 تعليقات:

مروة يقول...

ربنا يسعد أيامك كلها يا رودي ويملاها ورد وخيوط ملونة ;)

إبـراهيم ... معـايــا يقول...

ياااالهوي .. بكرة أحلى :)


سمعتها فين دي قبل كدهوَّن ؟!!!

Radwa يقول...

مافيش أحلى م الخيوط الملونة يا مروة
;)

إبراهيم؛ ماعرفش و النبي ياخويا
:P

غير معرف يقول...

يارب دايما مبسوطة..
و أحب أقول للى أهدالك الورد : ياابن المحظوظة

Radwa يقول...

غير المعرف:
من نعم ربنا عليا إن "ابن المحظوظة" لم يظهر بعد!
:D