الثلاثاء، 1 يناير 2013

يمكن

يمكن لإن فيه سنة خلصت
و يمكن لإن فيه بدايات جديدة بتترسم
بس الإكيد إنه فيه جمل كتير كانت ناقصة و كملت
و نقط كتير لاقت أماكنها...
يمكن لإن القدر جمعني بيهم في مصادفات متتالية كإنها مدبرة بس علشان تسلط ضوء على حاجة واحدة 

كل مرة اخدت معاد من حد و أعتذرت
و كل مرة أخدت معاد من حد و أعتذر
و كل مرة حاولنا نتقابل فيها و ماعرفناش
و كل مرة معاد مرواحي جه و اتأخرت شوية
و كل مرة روحت بدري علشان محتاج أقعد لواحدي
و كل مرة قررت ماردش على التليفون و رديت



كنت ببساطة باعيد رسم حياتي.. بخرج ناس خالص
و بدخل ناس جداد
بقلص مساحة حد في حياتي
بوسع لحد مكان أقرب


حياتنا هي الدقايق الصغيرة اللي بنوزعها
.
.
المهم بس نتأكد إن اللي بنديهالهم  يستحقوها


ليست هناك تعليقات: