الثلاثاء، 27 ديسمبر 2011

بعد المالانهاية

أنا حلمت حلم
"وحش قوي"
و خايفة لايكون إنت

و قلبي واجعني بقالي شوية
لدرجة إني ماستحملتش الصبح و عيطت
كنت فاكرة إني ماعنديش حاجة أخسرها
مش قادرة أتخيل إني ممكن أخسرك تاني

هو مش أنا خسرتك خلاص بقالي شوية وقت كتير
و لسه مش قادرة أتعلم الوقوف
-على رجل واحدة-
من غيرك
.
هو أنا ممكن أخسرك
طب لو كنت خسرتك
ممكن المرة دي تبقى بجد
و نهائية

ممكن المرة دي أخسرك
و أتوه عند المالانهاية
ولا زي كل مرة
هالاقي بعد المالانهاية
واحد

هناك 4 تعليقات:

شيماء عبد المُنعِم يقول...

انت ممكن تلاقي كل اللي تحبيه بعد المالانهاية يا رودي <3 .. على حسب الدالة اللي بتاخديلها النهاية لما الأمور "متغير الدالة" يؤول سيادته إلى مالانهاية.

شيماء عبد المُنعِم يقول...

انت ممكن تلاقي كل اللي تحبيه بعد المالانهاية يا رودي <3 .. على حسب الدالة اللي بتاخديلها النهاية لما الأمور "متغير الدالة" يؤول سيادته إلى مالانهاية. :)

A K يقول...

انتى فعلا اصبحتى مفرطه فى استخدام جملة ماعنديش حاجه اخسرها وده مش صح.
لأن الواحد ممكن يعترف بخسارته لشىء لوجود الدليل لكن العكس هيكون جمله بلا اثبات(اكيد ان انتى خسرتى اصلا مش دليل انك مش هتخسرى).
وانتى بتاعة فيزيا قد الدنيا ومايصحش تقولى الحاجه من غير دليل.
احذرى الجمله دى يا رضوى

مهــــا يقول...

النص جميل قوي
و ده مهم بردو