السبت، 2 أبريل، 2011

مشاركة


انا هاروح بالية بحيرة البجعة
طبعا مش أنا اللي اشتريت لنفسي التذكرة،، صحيح كنت ناوية المرة دي اروح حتى لو مالاقيتش حد يروح معايا بس برضه انا عارفه نفسي كويس كنت هافضل أأجل لحد ما في الأخر أفضل قاعدة ف بيتنا يوم العرض.. اسمع تشيكوفسكي ف البيت و اتقهر اني ماروحتش
:(
لما صديقي العزيز جابلي التذكرة هدية كنت مبسوطة -طبعا يعني- بس الفكرة دلوقتي مش اني هاروح اشوف البالية اللي نفسي اشوفه و بحب اسمع مزيكته قوي كده..
طبعا طبعا هو مش بيحب تشيكوفسكي و كنت ساعتها بقول اني بحب المزيكا قوي او حاجة كده و بعدين قالي ان مش لواحدك يا بنتي انا اعرف واحده تاني بتحب تشا... ده
ساعتها قولت ان احساس حلو قوي ان الواحد يلاقي حد في الدنيا يشاركة الشغف..
بس تراجعت،، و قولت ان المهم ان الواحد يلاقي ناس عندها شغف اصلا و بعدين نبقى شوف موضوع المشاركة ده..
انا مثلا
فضلت كتير قوي ادور على حد يشاركني الشغف بالبالية ،و بالمزيكا،
دلوقتي نظرتي اتغيرت.. طبعا بعد كتير من الاحباطات المتتالية..
جوايا بنات كتير بيحبو يشوفو البالية و يسمعو مزيكا.. بيشاركوا بعض الشغف..
و بيتبسطو قوي لما واحدة فيهم تبقى مبسوطة..
كفاااااااية عليا قوي كده .. ايه هانهب
:)

الحقيقة المشكلة ماكانتش في البالية أبدا,,
بالية ايه بس!!
المشكلة الحقيقية في الفيزيا ..
لما اشوف الجمال و ابقى في قمة السعادة و نفسي الناس كلها تشوفه علشان تتبسط معايا،،
بس يعني حد يقولي ازاي اقنع اي بني أدم عاقل ان الفيزيا جميلة!لأ و ايه تسبب السعادة!
ان الكائنات الجبرية المجردة مدهشة!!
ان ال accretion ظاهرة انسانية مش بتحصل بس حوالين الثقوب السوداء اللي في الفضاء الخارجي!!
آه و الله
..
اممم
مشاركة!!!
كلمة غريبة قوي
هو ايه مشاركة دي !!؟

هناك تعليق واحد:

إبـراهيم ... معـايــا يقول...

أعرف واحدة بتغيَّر قناعتها مع مواسم الربيع :)

حلو الشغف، وحلو المشاركة قطعًا وطبعًا
وبتبقى أحلى لما تبقى حقيقية من جوَّه جوَّاااا مش عشان حــد
.
هنيااالك بتشايكوفيسكي وبحيرات البجع :)
أمسيات جميلة