الأربعاء، 4 أغسطس، 2010

اللهم بلغنا رمضان


السنة اللي فاتت, زي دلوقتي كنت مكتئبة, ايوة هو ده التوصيف المناسب, السنة اللي فاتت زي دلوقتي كنت بتسحب بشويش لدوامة الاكتئاب..
السنة دي أنا برضه بتسحب بشويش للاكتئاب بس المرة دي فيه فرق.. لأ المرة دي فيه فروق كتير
المرة دي أنا عارفه اني باتسحب, و المرة دي أنا واعية بأختياراتي, المرة دي البيت فاضي جدا..كل اللي ف البيت ضيوف

المرة دي انا عندي امتحان ماعملتوش قبل كده,,
محتاجة اقف و احدد انهي مشاعر ت
خصني و انهي ماتخصنيش,
محتاجة اعرف رضوى عايزة ايه ,محتاجة احب رضوى,
و اخاف على رضوى...و ده ماعملتوش قبل كده

رمضان السنة دي جديد..لأني أول مرة هاستقبله لواحدي,
شوية
خوف على ترقب على حماس
...
اللهم بلغنا رمضان

هناك تعليقان (2):

مروة يقول...

اللهم آمين يا رضوى
جميل إنك عارفه حالتك، والأجمل إنك عارفه إيه المطلوب منك
رضوى شطوره وهتعرف تعدي الامتحان

ربنا يكتب لك الخير ويكون رمضان سعيد وفرصة تشوفي رضوى بشكل جديد، وتعرفيها ع الدنيا اللي هي عايزاها
كل سنة وإنت أميرة الأحلام

reham يقول...

عارفة ،، في الفيلم اللي أنا بحبه PS .. I LOVE U

الأم بتقول لبنتها في الآخر كلنا وحيدين و لكننا مجتمعين على ذلك ..

أنا بقى يا ست البنات أول مرة أقضي رمضان مع بني آدمين من ييجي 4 سنين ...

بس عمري مابكنت بحس بالوحدة دي :))

السنة دي سنة الامتحانات بالنسبة كلنا ... كلنا عمالة تحصلنا تغيرات من النوع الجذري اللي بييجي مرة في العمر و خلاص

هتعدي ،، و زي الفل كمان ...

وعاوزين أكتر من المؤازرة الوجدانية ، دي نتفق عليها برة المدونة بقى ;)