الثلاثاء، 22 سبتمبر، 2009

طفلة

النهارده الصبح أخدت بالي انها مش موجودة
لما رجعت بذاكرتي شوية
اكتشفت انها غايبة بقالها اسبوعين
هو بس حاجات كتير كانت شاغلة دماغي
مش عارفة دلوقتي هي ماتت ازاي
بس متأكده انها ماتت بعيد عني
علشان مش هاستحمل اشوفها بتموت

وحش قوي ده
انها تفضل موجوده بس علشان انا مش هاحتمل الفراق
طول الوقت اللي فات كانت كل حاجه بتحصل بتضايقها
انا فضلت معذباها انها تستنى

عارفه ان مهمة قتلها مش ليها دعوة بيا
دي كانت مهمة الراجل اللي سافر هربا من مهام كتير

المهم دلوقتي انها ماتت
و المهم كمان
ان فيه فراغ كبير اتولد
فراغ كانت محتلاه رغم صغر حجمها

فراغ يسمح لأخريات بتفعيل أدوارهم في الحياة

بصراحة
كنت بحبك قوي

و بصراحة كمان
ماوحشتنيش خالص

هناك 3 تعليقات:

بسنت يقول...

أنتى قلتيها كانت محتله مش ساكنه
مش مستقره
يبقى اكيد مش هتوحشك

قراءه اولى
دمتى بخير

micheal يقول...

خواطر جميلة

رضوى يقول...

بسنت
تصدقي ماأخدتش بالي غير لما انتي لقتي نظري
فعلا كانت محتلة
و واضح اني كنت واحية لده بس مش عارفاه
:)

ميشيل
تسلم
ابقى تعالى على طول