الجمعة، 26 يونيو، 2009

مايكل جاكسون

انا اصلا ما بحبش مايكل جاكسون
حقيقي مش مستوعبة انه مات
عرفت من ساعتين تقريبا من على الفيس بوك
و ماما واحنا بنفطر قالتلي تاني
مش مايكل جاكسون مات
مش عارفه
هو بني ادم يعني بيموت
اصلا مش فاكره غير شكله و هو صغنن في فيديو كليب قديم جدا
اخر مرة شفته كان من خمستاشر سنة
-طب مندهشه ليه بقى
-مش مندهشه اهه و لا حاجه
-طب مخضوضه
-برضه لاء
-أو يمكن اه
-علشان ...امم... علشان حاجه تانيه كنا بنعملها مع بعض ماتت
مابقاش ينفع تناديلي و تقولي تعالي اسمعي مايكل مش بس علشان انت ما بقتش موجود
لاء كمان علشان مايكل نفسه مات

الغريبة بقى
اني مش مضايقة ان ده بيحصل
الحاجات اللي اتعودنا نعملها مع بعض بتموت
علشان فيه حاجات تانيه بتتوجد و بعملها مع حد تاني
عارفه اني مش ممكن هانساك
بس عارفه ان من حق حاجات كتير جوايا تخرج للنور و ماتستناش اكتر من كده
لانها برغم انتظارها متاكده انك مش هاترجع

هناك تعليقان (2):

كاتب مصري يقول...

كإني فهمت شوية قصدك
الموضوع فيه طرف تالت وتقريبا عرفت من يكون
ياستي ربنا ما يقتل فرحة في حياتك ولا يموت علاقة تجمعك بمن تحبين وإن كان مايكل جاكسون مات بالسلامة كنت سمعت انه أسلم لو كان أسلمك بجد يبقى الله يرحمه ولا لأ يبقى عليه من الله ما يستحق

وانت ربنا يارب يكرمك وييسر لك أمرك
خالص تحياتي
وابقي نورينا كده لو ينفع يعني
سلام عليكم

غير معرف يقول...

very senestive post
may be because i got the mening behind it
realy i love you

radwa