الثلاثاء، 17 فبراير 2009

حد يجاوبني

في موقف السيارات يودعني
"خلي بالك من نفسك"
ابتسم
طوال الطريق شاغلني سؤال واحد
"أزاي اخلي بالي من نفسي؟؟؟؟"
مش عارفه
عمر ما حد ما قالي قبل كده
اصلا ما اتعودتش ان حد يقولي "خلي بالك من نفسك" غير من وقت قصير جدا -غالبا اقل من سنة-
و أسال نفسي برضه طب كنت بعمل ايه قبل كده
برضه مش عارفه
طب امال اصحابي و الناس اللي اعرفهم في الحياة كانوا بيودعوني يقولولي ايه
مش فاكرة
يمكن ما كانوش بيقولوا حاجه
و يمكن كانو بيقولوا
.
.
.
ممكن حد يقولي بس ازاي اخلي بالي من نفسي

هناك 4 تعليقات:

ست الحسن يقول...

مش عارفة ليه حسيت كأنك ممسوسة بالحنان
والحنان ده دفااااكي أوي ووجعك شوية

والناس اللي مش واخدين ع الحنان والرعاية بيرتبكوا أوي لما المشاعر دي تمسهم

وكل اللي هعرف أقولهولك
خلي بالك من نفسك
يعني تحافظي على كل الجمال اللي جواكي وما تضيعيش الفرح من ايدك
وانبسطي أد ما تقدري

...

اميرة يقول...

حاضر

هاحاول

soly88 يقول...

اكيد كانوا بيقولوا
خلى بالك من نفسك
ولكن كلمات من نحب هى التى تبقى

nudy يقول...

تخلي بالك من نفسك جملة رائعة وخصوصا من حد مهتم بجد يعني ترجعي من غير ما يضيع منك اي حاجة في تفاصيل المكان اللي انت رايحة له يمكن يكون يعني اوعي تنسي وتتغيري ارجعي بكل الحب لي مره تانية مستنيك و
خلي بالك من نفسك