الأربعاء، 10 سبتمبر، 2008

زعل

من كام يوم كنت بقول لصديقه اني زعلانه من ناس كتير
و للأسف اغلبهم ناس قريبين قوي
و من فتره برضه كنت بقول ان لو زعلانين من حد و باقيين على علاقتنا بيه يبقى لازم نقول على اللي زعلنا علشان نتصافى بدري بدري
بس اكتشفت في زعلى اني مش عايزه اقول اللي مزعلني
يمكن لان كتير من اللي مزعليني مش هاتفرق معاهم لما يعرفوا
هايبقى الوضع على ما هو عليه و على المتضرر اللي هو انا يعني ضرب دماغه في الحيط
و في الأخر برضه مش هاقدر افضل زعلانه كتير لأنهم غاليين عندي قوي

هناك 6 تعليقات:

مصطفى السيد سمير يقول...

اكيد الحب بيغسل الزعل
الحب الكبير بيغسل الزعل الكبير

رمضان جميل عليكي

العنكبوت النونو يقول...

لأ يا أميرة
أعملي لنفسك وليهم خدمة وصارحيهم
قوليلهم انك قد ايه بتحبيهم وقوليلهم كمان ان اللي مزعلك انك بتحبيهم وما تستحمليش الزعل ييجي منهم
قوليلهم عشان ما يجيش يوم والسماح يخلص
ماهو مهما كان اللي جواكي كتير وكبير كل مرة هتتاخد منه حتة أكبر
انتي عارفة
يمكن يفرق معاهم لما يعرفوا انك زعلانة
اقولك على حاجة
يمكن اللي مزعلك بجد مش زعلك قد ماهو احساسك انه مش هيفرق معاهم
اصلوا لو بجد مش هيفرق معاهم يبقى فيه حاجة غلط
:)
ضحكتك حلوة
حاجة اخيرة بس انا عارفة انك مش مرمر وعارفة ان عيد ميلادك زيي في شهر اربعة وما كانش قصدي ان الناس تحسبك مرمر وتحسب ده عيد ميلادك
حصل خير

بحلم يقول...
أزال المؤلف هذا التعليق.
بحلم يقول...

لو انا من اللي زعلانة منهم ، عاوزاكي تعرفي انك تفرقي معايا جااااامد
ولازم تقوليلي
ولو مش منهم يبقي الحمدلله:)

أنا حاسة باللي بتقوليه قوي..كتير ببقي زعلانة من حد وقاتلني انه مش عارف قد ايه زعلانة منه، لكن بتعامل عادي لأنه لازم يعرف لوحده هو زعلني ف ايه..من حقي انه يعرف لوحده هو زعلني ف ايه..

غير معرف يقول...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

هانى علوان يقول...

جميل جدا انك تكون متسامح
كل سنه وانتى طيبه يا اميره