الثلاثاء، 9 أكتوبر، 2007

رسايل....sms



عندما أفتقدكم
لن ابحث عنكم بعيدا
بل سأنظر إلى اعماق قلبي
حيث تكونون دائما
فليس الحب ان تبقى دائما بجانب من تحب

smsوصلتي في رسالة
من صديقة عزيزة على قلبي
و اذكر اني استخدمتها بعدها و ارسلتها لاحدي الصديقات العزيزة على قلبى كذلك
طب يعني عايزة اقول ايه
لما وصلتني الرسالة دي
و قريتها
اذكر اني ابتسمت و تنحت شوية و دمعت شويتين
فعلا ليس الحب ان تبقى دائما بجانب من تحب
لكن
هو مش نبقى مع بعض على طول بس مع بعض يعني
يؤلمني جدا
ان احتاج للكلام معكم و لا اجدكم
طب ايه
رسالة تانيه بقي علشان الحبايب

it's hard at times

to keep in touch

with those who mean so much

but side by side

or far apart

you will always be in my heart

الرسالة دي بقى
على العكس من سابقتها
اتضايقت جدا لما
وصلتني
اقدر اقول اتغميت
يمكن كمان علشان اللي بعتتها
انا مش متخيله ان ممكن فيه حاجه تشغلنا لدرجه ان يبقى صعب الاتصال ما بينا
طلب غلس
ممكن لو فيه حد بتحبوه بجد و بقالكوا كتير ما تكلمتوش
تقوموا تكلموه او حتي يعني تدولوا رنه مش هاتكلف حاجه


هناك 7 تعليقات:

حسن أمين يقول...

اتفاجئت وأنا رايح أرن لك .. اني مش معايا رقمك ..أحيانا باضطر أستخدم كلمة مش بحبها في مواقف بابقى حاسس بيها بأحاسيس حلوة جدا ..زي ما انا حاسس بعد قرايتي للبوست ده .. بس أهو مُضطر ..
الكلمة التي أكرهها و أجدها غاية في الفقر والقصور يا رضوى هي : شُكرا

مادو يقول...

هههههههههههههههههه
طب و اللي معندوش رصيد بقى يعمل ايه
ازيك يا رضوى
بوست جميل

نهى جمـال يقول...

طب انا عايزة

ابكي دلوقتي

وخاصة من التانية
ويمكن لاني حسيتها في وقتٍ ما

بوست مش عارفه أقول ايه
بس في احساس عالي رغم بساطته

تحياتي لكِ

كرياكو يقول...

امير

الاول كل سنة وانتى طيبة

جميل اوى البوست دة وعلى فكرة انا بقالى فترة كبيرة بعيد عن الناس كلها
مش عن اصدقاء بس بس هلابى طلبك

وبشكرك على مشعرك الجميلة دى

محمد العدوي يقول...

وان طلع عيل وفتح .. مين يشيل الدقيقة ..


كل سنة وانت ططيبة .
:)

فريدة... يقول...

كل سنة وانت طيبة

يا جميلة
:)

اميرة يقول...

اولا اعتذر عن التأخر في الرد
ثانيا كل عام و انتم بخير
*********
حسن
العفو يا سيدي
ده واجبنا
ربنا يكرمك
*******
محمد مصطفى
اللي معندوش رصيد مش عارفه بقى يتصرف يا أخي
المهم ما يقطعش مع اللي بيحبهم
*******
نهى نورتيني
و هاستني زيارتك اللي جايه
و على فكرة حاجه تخوف انك ماتشوفيش الا خدش في المراية
قشعرتيني
********
كرياكو
يااااااااه
انت فين يا راجل
ايوه كده
ارجع للناس اللي بتحبهم و بيحبوك
و تحياتي
*******
عدوي
ازيك يا دكتور
معلش يا سيدي خليها عليك المرة دي
و لو معاكش فلوس قولي بس و انا احولك رصيد
********
فريدة
نورتيني يا قمرة
و وحشتيني قوى
يعلم الله