السبت، 1 سبتمبر، 2007

بيتك يا ست الختيارة

بحب اسمع فيروز

بس دايما بسمع اغاني معينة

**************

بقالي كتير عايزة اتكلم معاك\ي

بس مش لاقياك\ي للاسف

************

فتحت الكمبيوتر بتاعي

ببص على الايميل

قلت اسمع حاجة

عملت بلاي ليست

حطيت فيها أغاني و موسيقى

وجيه عزيز-فيروز - نصير شمه - مارسيل خليفه و عمر فاروق

جطيت كل اللي على جهازي ليهم

randomو طبعا شغلتها

فجأة سمعتها

بيتك يا ستي الختياره

بيذكرني ببيت ستي

.تبقى ترندحلي باشعارا و الدنيا عم بتشتي

ستي اليوم بعيده وعم لوحلا بايدي

مشتاقة لاخبارا يا ستي الختياره

************

مش عارفة ليه افتكرت ايام ما كنا طول الوقت مع بعض

أنا و انت و انتي

وحشتوني




هناك 14 تعليقًا:

هدى يقول...

لازم نصدق ان الوقت بيمر

والناس بتبعد

عشان غيرهم يقربوا

بقولهالي قبل ما بقولهالك

وماعنديش إجابة عن السؤال المتعلق بالحنين لاصدقاءنا اللي حجزوا اماكنهم جوانا ..وتركوها مافيهاش غير بقايا ذكرياتهم

...

تحياتي يا قمر

كراكيب نـهـى مـحمود يقول...

جربي بقى التغيير
اديها سعد الصغير وكوباية عصير قصب
ذكريات جديدة مع ناس جداد بينما يبقى من غادروا علامات موصومة في قلوبنا بالحنين

وليد خطاب يقول...

وانا كمان

اميرة يقول...

هدى

عارفة و الله بس اوقات بيغلبني الحنين

*******
نهى

هو بصراحة صعب عليا اديها سعد الصغير و عصير قصب

بس هاحاول اجرب التغيير
******
وليد

يا بني قول جمله مفيدة

وانت كمان ..ايه؟؟؟؟

و مبسوطة اني لقيت منك تعليق
عارفه انك بتعدي و ما بتعلقش
وش بيضحك بغتاته

غير معرف يقول...

مش هاقولك زيه وانا كمان
انهاردة بجد كنت برتب أولوياتى
أنا فعلا محتاجة نرجع
و متاأكدة أن احنا هنرجع لأن كده مش نافع خالص


على فكرة كنت لسه بسمع فيروز برضه
بقالى كتير مسمعتهاش
بقالى كتير معملتش حاجات كتير

not like eny other يقول...

قول للزمان ارجع يازماان

اميرة يقول...

not like eny other

يااااااااااااااه

انت لسه عايش يا بني

منور برضه

كرياكو يقول...

اميرة
انا مش هقول للزمان ارجع يازمان
الى فات خلاص بيقا ماضى ومش بيرجع تانى

بيبقا ذكرة

علينا بس نفتكرهم

not like eny other يقول...

اه على فكره الباب جاااااااااامد


ولو عندك صور من دى حوطيها والحساب عندى

وربنا يجعله عامر

Hisham Anwer يقول...

انا مش هقول أي حاجه الا بعد ما تنجحي في الاختبار

http://hisham-anwer.blogspot.com/2007/08/blog-post.html

علي فكره فيروز اسمها الحقيقي نهاد وديع حداد

وتتمسوا بالخير

mohamed kamal hassan يقول...

تعرفى

بالنسبة لى الحنين هو الشئ اللى بيخلينى أفتكر إنى بنى آدم

من غير الحنين بحس إنى آلة بتعمل أب ديت على طول من غير تفكير

افتكرى براحتك
ولا يهمك

((:

اميرة يقول...

كرياكو
منور و الله
*************
هشام
طب و بعد ما نجحت في الاختبار
اعمل ايه دلوقتي
********
محمد
منور يا باشا
و عندك حق
بالنسبالي الحنين و الالم
بيحسسوني اني بنى ادمه

محمد طلبة رضوان يقول...

اسمعى ليالى الشمال
فيروز اجمل من يضع البعيد فى حضرة الغياب
تحياتي

اميرة يقول...

محمد طلبه

ايه يا عم النور ده

ماشي يا سيدي هاسمع ليالي الشمال