الجمعة، 28 ديسمبر 2007

وحشتني

منذ ليال قليلة حلمت بك
كنت مبتسما
حملت اليك خبرا سعيدا
بجراءه .... ملت على خدك و قبلتك
لم يؤذنى شعر ذقنك النابت
بل شعرت بالفرحة
حين نظرت لعينيك العسليتين
و رأيت فيهما تلك النظرة
.
.
.
افتقدك بشدة
********
بننجرح كل يوم لكن
لكن بيفرحنا
ان انت جوا القلب ساكن
ساكن في افرحنا
وانت الامل في العيون
و النشوة ساعة الجنون
دانت الامل في العيون
و النشوة ساعة الجنون
و اياك تكون زيهم
و تروح و تجرحنا
دانت الوحيد منهم
تقدر ترحينا
تقدر تريحنا

الخميس، 22 نوفمبر 2007

اليكي الورد

قال لها
انها الحقيقة

في حضرتك يتلاشي تأثير الاخرين

لا ادرى اتشعين اشعاع خفيا لا تلتقطه سوى مجساتي

ام ان اشعاعك يصل اليهم و لا تترجمه قلوبهم التى غلفتها القسوة


الاثنين، 19 نوفمبر 2007

مناجاة


قد خرجت وحيدا
لإذهب إلى هذا الموعد
و لكن من الذى يتبعني في الظلمة الصامتة؟؟
اننى أبتعد متجنبا لقاءه
غير أننى لم انج من تعقبه
انه يهيج الغبار بصلفه و زهوه
و يواكب بصوته الصاخب كل كلمة ألهج بها
إنه تلك (الأنا)الحقيرة
آه يا مولاي
انه لايعرف الخجل
و لكنني أخجل من مثولي على بابك بصحبته
.
.

طاغور

الجمعة، 2 نوفمبر 2007

تساؤل

الي من الهمنى كتابة هذة الكلمات
اعتز بتقاطع طريقينا في الحياة
.........
نعم مازالت لقائاتنا شديدة القصر
,إلا انني تعلمت بمرور الزمن ان اقتنص من هذه الدقائق القليلة ما يكفيني ..... حتى يتكرر اللقاء
تعلمت معنى نظرة
,كم كانت هينة في نظرى و كم هى كبيرة الآن

نعم كم هي قصيرة مكالماتنا الهاتفية
تعلمت بسببها فك شفرات صوتك الاتى عبر اسلاك الهاتف .
اعتدت ان تسألني و برمجت نفسي ان اجيب
و الآن:مضطرة انا ان أسأل.
فيأتيني صوتك معاكس لمعنى ما تقول من كلمات
.تحمل كلماتك معانى الاطمئنان و السكينة
لكن ذلك الصوت الذى تدربت جيدا على فك شفرته
ياتيني قلق منزعج
فكيف بالله عليك تطالبني بأن اهدأ و اطمئن

الاثنين، 15 أكتوبر 2007

عايزة.... اتعلم


خير الله ما اجعله خير

بقالي كام يوم عايزة اطبخ

و دي حاجه غريبه عليا طبعا

حاسه اني عايزة اقف في المطبخ و اعمل اكلات و حلويات

و اعزم كل اصحابي و حبايبي و ناكل مع بعض

فاتلاقوني بقالي كام يوم بتابع برامج الطبخ

و الله ما بتعلم حاجه

بس اديني بتفرج و خلاص

و كل ما اروح المكتبة استعير كتب

امي تلاقيني راجعلها بكتاب طبخ

المشكله ان عندي امتحانات

مش وقت الكلام ده يعني

مشكلة جيلي من البنات ان اغلبنا مش بيعرف يطبخ

واحدة صاحبتي ناوية تتعلم كل الاكلات اللي خطيبها ما يعرفهاش

علشان لما يتجوزوا ما يقولهاش الاكله دي مش بيبقى طعمها كده

مش عارفه بس كان اهتمام الاهل طول الوقت ان البنات يتفوقوا دراسيا

و كانوا ناسيين موضوع المطبخ ده خالص

انا مثلا كنت غلاباويه قوى و انا صغيرة

-و لحد دلوقتي و الله-

كنت اقف مع امي في المطبخ اصدعها

و الخمها و كانت دايما تنسي الاكل على النار علشان بتتناقش معايا

"يلا اخرجي بقى مش عايزة اشوفك قدامي"

مرة اسألها هما ليه الناس سموا الطماطم طماطم و الخيار خيار

ماما هو في ايه في الطماطم يخليها طماطم و في الخيار يخليه خيار

"يلا اخرجي بقى مش عايزة اشوفك قدامي"

و مرة اقولها

ماما هو ليه الارقام واحد اتنين تلاته مش واحد تلاته اتنين

يعني ليه مش واحد زائد واحد يساوي تلاته

"يلا اخرجي بقى مش عايزة اشوفك قدامي"
بس اللي افتكر انه كان مجنني قوى
هو الناس ازاي عرفت الوصفات اللي احنا بنطبخها
يعني ايه تطور الطبخ من ساعة ما اكتشف الانسان النار
لحد المحشي و الملوخيه

و على كده

نرجع تاني لموضوعنا

تفتكروا ممكن اتعلم الطبخ فعلا

و لا خلاص بقت حالتي ميؤوس منها

الخميس، 11 أكتوبر 2007

قهوة


أحب اقعد على القهوة مع القاعدين
وابص في وشوش بشر مش مخلوقين من طين
واحد كإنه تحتمس، يشرب القرفة
والتاني غلبان يلف اللقمة في الجرانين

الثلاثاء، 9 أكتوبر 2007

رسايل....sms



عندما أفتقدكم
لن ابحث عنكم بعيدا
بل سأنظر إلى اعماق قلبي
حيث تكونون دائما
فليس الحب ان تبقى دائما بجانب من تحب

smsوصلتي في رسالة
من صديقة عزيزة على قلبي
و اذكر اني استخدمتها بعدها و ارسلتها لاحدي الصديقات العزيزة على قلبى كذلك
طب يعني عايزة اقول ايه
لما وصلتني الرسالة دي
و قريتها
اذكر اني ابتسمت و تنحت شوية و دمعت شويتين
فعلا ليس الحب ان تبقى دائما بجانب من تحب
لكن
هو مش نبقى مع بعض على طول بس مع بعض يعني
يؤلمني جدا
ان احتاج للكلام معكم و لا اجدكم
طب ايه
رسالة تانيه بقي علشان الحبايب

it's hard at times

to keep in touch

with those who mean so much

but side by side

or far apart

you will always be in my heart

الرسالة دي بقى
على العكس من سابقتها
اتضايقت جدا لما
وصلتني
اقدر اقول اتغميت
يمكن كمان علشان اللي بعتتها
انا مش متخيله ان ممكن فيه حاجه تشغلنا لدرجه ان يبقى صعب الاتصال ما بينا
طلب غلس
ممكن لو فيه حد بتحبوه بجد و بقالكوا كتير ما تكلمتوش
تقوموا تكلموه او حتي يعني تدولوا رنه مش هاتكلف حاجه


الأربعاء، 3 أكتوبر 2007

مكالمة


انظر للهاتف

اجلس على الكرسي المجاور له

احاول التنفس بهدوء


ارفع السماعة


بمجرد ضغطي على اول زر من ازراره


يرتفع نبضي


اعيد السماعة مرة اخري


هدي نفسك شوية ايه اللي انتي عاملاه ده


احدث نفسي


مجرد مكالمة عادي


اكررها


عادي


ارفع السماعة بسرعة اضغط على ازراره


يأتيني صوت مألوف


تيت تيت تيت


اتنفس الصعداء


الحمد لله


الخط مشغول




السبت، 29 سبتمبر 2007

غضب



غصن المودة كان نشف جوا الضلوع

لما الغضب ولّع شرارة ف مهجتك

قاد اللهيب سيّح ملامح جبهتك

فاتبدل الطفل الوديع

أصبح شيطان

...........

وحرقت كل اللي قابلته ف سكتك





الأحد، 23 سبتمبر 2007

تضارب

.................
بعد انتهاء مواعيد العمل الرسمية
تسيران معا الي محطة الاتوبيس
تعرف عمرى ما حلمت بحاجه إلا و حققتها -
و بتحلمي بأيه دلوقتى -
بحلم اعيش لواحدى, و انت بتحلم بأيه -
بحلم اكمل عمرى معاكي ...
تكاد تنطقها و لكن تتوقف عند استيعابك لكلماتها
لم تعطك الفرصة للتألم
ها ماقولتليش بتحلم بأيه -
هه...انا بردت -
تبتسم بسخرية و تجيب
..بحلم بالدفا -
.................

الثلاثاء، 18 سبتمبر 2007

طوفان

نوح راح لحاله والطوفان استمر
مركبنا تايهة لسة مش لاقية بر
آه م الطوفان وآهين يا بر الأمان
إزاي تبان والدنيا غرقانه شر؟
وعجبي...................
صلاح جاهين

الأربعاء، 12 سبتمبر 2007

كائن.... نوراني

بعد أذآن المغرب مباشرة
وقته المفضل
يجلس في غرفته
يصلي المغرب
يرفع يده للسماء
و يدعو لهم
بعضهم لم يره الا مرة واحدة
و البعض لايذكر اسمه
و لكن يذكر حاجته
.
.
.




اللهم تقبل دعاء

الخميس، 6 سبتمبر 2007

كل ما نخاف من الفراق

في مكتبه نجلس
يطول حديثنا
يمتد لساعات
لا بل يطول حديثه فيمتد لساعات
اجلس امامه
مستمعة سلبيه هذه المرة على خلاف عادتي
استمتع بالحديث
********
بعد افتراقنا
سؤال يطرحه عقلي بالحاح
هو كان بيقول ايه ؟؟؟
الرد الوحيد الذي توصلت اليه
مش عارفه و مش مهم
*******
الفراغ يحتل عقلي
صوتها الخافت
يعلو بإصرار
ليتحول الي ضجيج

السبت، 1 سبتمبر 2007

بيتك يا ست الختيارة

بحب اسمع فيروز

بس دايما بسمع اغاني معينة

**************

بقالي كتير عايزة اتكلم معاك\ي

بس مش لاقياك\ي للاسف

************

فتحت الكمبيوتر بتاعي

ببص على الايميل

قلت اسمع حاجة

عملت بلاي ليست

حطيت فيها أغاني و موسيقى

وجيه عزيز-فيروز - نصير شمه - مارسيل خليفه و عمر فاروق

جطيت كل اللي على جهازي ليهم

randomو طبعا شغلتها

فجأة سمعتها

بيتك يا ستي الختياره

بيذكرني ببيت ستي

.تبقى ترندحلي باشعارا و الدنيا عم بتشتي

ستي اليوم بعيده وعم لوحلا بايدي

مشتاقة لاخبارا يا ستي الختياره

************

مش عارفة ليه افتكرت ايام ما كنا طول الوقت مع بعض

أنا و انت و انتي

وحشتوني




الاثنين، 20 أغسطس 2007

غفوة


منتصف أغسطس
موجه حارة تستمر ثلاثة أيام بدأت من اليوم
يقولها مذيع النشرة الجوية
تبتسم في سخرية وتغلق التلفزيون
فالبرد يعبث بك منتشرا في جسدك
على صوت منيرالمنبعث من سماعة الاستريو
واخاف لو قلتى بردانه اغطيكى باحساسى متدفيش
دانا قد كلامى اللى هيخدك من دنيا لدنيا انا قدوا
لكن لو دمعك على خدك احلامى معاكى هيتهدوا

تغفو

********

لحظتها لم تكن سوى جسد ممدد على فراش

انقطعت الصله بينك وبينه

مراقبا ما يحدث

رأيتها تشق صدرك

تلتقطت قلبك النابض

بيديها اخرجته

ظننت ان الهلع هو الاحساس المناسب

لكن السكينة بلونها الأبيض المائل للأصفرار

سالت من يدها غمرت قلبك وانتشرت في شرايينك

رائحتها المحملة بكل ذكريات الأمان بعثت الدفء فيك

********
أفقت
والسكينة مازالت تحتلك

الجمعة، 10 أغسطس 2007

اهداء

احساس حلو قوى اني اقعد اتفرج على الصور و الحاجات القديمة بتاعتي
النهارده بدور في علبة كده مليانه ورق و صور علي شوية سي ديهات ماكنتش عارفه اشيلهم فين
لقيت ورقة متنية انا فاكراها كويس
مش فاكرة ايه مناسبتها و لا حتي تاريخها لان مش عليها تاريخ
بس هي ذكري حلوة لاحلي سنه في حياتي
أول سنة في الجامعة
مش هارغي كتير هاسيبكم مع اللي موجود فيها
*******************
بدء الزمن.....
انتشرت الموجات تعدو في الفراغ الكوني
تتمطي تائهة بين أثير الزمان
راحت كل موجة ...
تركب بحرا لتتكسر عند الشاطئ..
أو تركب هواء لتتكسر عند الجدران الصماء
أو تركب الارض لتتكسر في جوفها الملتهب
أو تسكن جسدا كي تحيا بلا انكسار,
كي تبحث عن موجة أخري تتداخل معها
هي في الواقع ليست أخري و إلا ما تداخلت معها و ما قوتها.........
عندما رأيتك ...عندما عرفتك.....
فقط وجدت موجتي ما كانت تبحث عنه
أحيانا أريد أن أقول
و لكننا....غالبا صامتين
لأن المعاني تتمزق على ألسنتنا , و تتشوه بالأحرف المرتبكة ,
دعيني أجرب على ورقة , و لندع أشباح الكلمات تتسلق السطور....ربما.

أقول لك
حتى و لو ذهبت إلي طرف المجرة
سيحمل الأثير نبض قلبك إلي, و نبضي إليك...
هي السيمفونية الكونية رائعة الجمال...
هي نظرية التوحيد التائهة بعقل آينشتين.....
هي لوحة سلفادور متداخلة الألوان ....
هي
أنا و أنت
و لا يهم التاريخ
***************
اضافة لابد منها
وليد نبهني اني ماذكرتش مين اللي كتب الاهداء ده
الاهداء ده كتبتهولي اقرب صديقة ليا
اتعرفنا على بعض في اول سنة في الجامعة
و على فكرة هي البنت الوردية اللي في البوست اللي تحت

الأربعاء، 8 أغسطس 2007

فريدة

حد فاكر بو


البنوتة الجميلة في فيلم شركة المرعبين المحدودة


اهو انا من يومين قابلت بنوتة زي القمر اسمها فريدة

مش عارفة ليه افتكرت بو على طول

ساعتها حسيت

يا رب لو بقي عندي بنت في يوم من الايام

تبقي زي الفريدتين اللي قابلتهم في حياتي

فريدة الفنانة

و فريدة الصغنونة(شكلها هاتبقي فنانة هي كمان على فكرة)و

ساعتها اكيد اول اسم هافكر فيه

هو

ايه

؟؟

؟؟

فريدة طبعا

الاثنين، 6 أغسطس 2007

سراب






هافضل وراك يا سراب مهما هاتخدعني

أنا اللي مخدوع هنا و أنا الوحيد....معني


برضو سعات الفرح بيلف يجمعني


فاشتاق لكلمة صفا و ودن تسمعني





الجمعة، 3 أغسطس 2007

استاذي الغالي

كان بقالي كتير جدا ما شوفتوش تقريبا شهر و نص او شهرين كل شويه اقول هاكلمه في التليفون و بعدين مش عارفه ليه بكسل مع اني نفسي اتكلم معاه قوي بس مش عارفه ليه كنت كل لما امسك تليفوني و اجي اطلب نمرته اقول طب خليها كمان شويه و بعدين انسي تاني
من يومين قابلت واحد من اللي بيشتغلوا معاه و سألته عليه قالي اصله مش بينزل كتير زي الاول لانه تعبان انا اترعبت تعبان ليه بس قالي عينه تعبانه شويه مش عارفه اقول اد ايه خفت عليه بجد و حسيت اد ايه انا مقصره في حقه هو فعلا زي بابا , قعدت اقول لنفسي هو يعني ينفع واحده باباها يبقي تعبان و تعرف بالصدفه المهم عقدت العزم على اني اكلمه اول ما اروح البيت و طبعا روحت و اتشغلت مش فاكره في ايه
تاني يوم كلمته في التليفون كان عندي كلام كتييييييييييير جدا اقوله له بس مش عارفه ليه المكالمه كانت قصيرة جدا جدا كل اللي قلته ساعتها
انا فلانه
ازي حضرتك
اخبار عينك ايه دلوقتي
طب انا بس كنت بتطمن عليك
مع السلامه
بعد ما قفلت حسيت بالغباء الشديد كان فيه حاجات كتير عايزه اقولها بس مش عارفه ايه اللي حصل
ربنا يكرمه و يشفيه و يرجعه لينا بالسلامه
طلب غلس شويه
ياريت كل اللي يقرا البوست ده يدعي له

الأحد، 29 يوليو 2007

حلم لم يكتمل

نور الصباح ايقظها
فتحت عينيها بكسل
و ابتسمت للفراغ
بسرعه و نشاط اغتسلت
انتقت ملابس مريحه و ارتدتها
شربت القهوة في شرفتها
و هي تتابع معالم شارعها الصباحيه
بائع الجرائد على دراجته ينادي بأسماء الصحف
احدي الجارات تراقب طفلها الذاهب للمدرسة
حركة الاشجار النشيطة
بعد القهوة
امسكت سماعة الهاتف
و بدات في الضرب على ازراره بتلقائيه
اعادت السماعه مكانها بخيبه امل بعد ان تذكرت سفره
انها المرة الاولى منذ ثلاثه اشهر
التي يستيقظ فيها على صوت غير رنين هاتفها الصباحي
هذا اول ما فكر فيه بعد ان صدمت اذنه دقات خفيفه ايقظته
يتكرر الدق الخافت على الباب مصحوبا هذه المرة بصوت يناديه
ينهض من فراشه في خمول
ينظر للفراش مرة اخري و يحاول ان يتذكر
متي كانت اخر مرة قضي ليلته فيه
يتشاغل عن التذكر بالبحث عن هاتفه
يجده بجوار الفراش
يلتقطه و يبدأ في الاتصال بها
ترن ترن...ترن ترن
لاتسمع رنين الهاتف بسبب استغراقها الكامل في القراءة
ممسكا بهاتفه يفكر لم لا ترد
يتناول افطاره الذى اعدته امه العجوز
بعد الافطار يخرج متفقدا احوال قريته بعد غياب طويل
يجلس على الارض
يجد نفسه بلاوعي يلهو بالتراب
يسقط هاتفه من جيبه و هو يحاول تناول احد ثمار الجوافه الناضجه من شجرتها
يلتفت لصوت ارتطامه بالارض متذكرا محاولته بالاتصال بها
يحاول مرة اخري
ترن ترن... ترن ترن
هذه المرة تسمع رنين الهاتف
الذي اخرجها من احلامها النهاريه
ترد بلهفه حينما تعرف شخصيه المتصل
الو
تسكت غير مستوعبه ماحدث لها عند سماع صوته
الو..غادة
ايوة.. ايوة
صباح الفل كنت بحاول اكلمك مارديتيش ليه كنتي فين
اه كنت بقرا بتركيز شويه
ايه شريط الاخبار
لاء كتاب
كتاب ايه ده على الصبح
كتاب في فلسفه العلم
ايه مش تسيبك من الكلام ده بقي
.....
لا تدري بماذا اجابته او كيف انتهت المكالمه
لكنها ادركت الان و الان فقط انهما من عالمين مختلفين تماما

الخميس، 26 يوليو 2007

رفقة عمري


الابيض

دائما اراه كذلك انسان داخله شديد البياض لا ليس شفاف بل ابيض يصبغ كل ما حوله اللي لون ابيض بريء جميل مريح عندما اتحدث عنه اقول جملتي الاثيرة لدي "م" لساه ابيض الدنيا ما عرفتش تلونه ببصماتها

الورديه

انسانه بلون الورد و رائحته داخلها عالم من الازهار تطير بداخله الاف الفراشات الملونه بالوان احلامها للمستقبل


الاصفر المائل للبرتقالي
انسان بلون الشمس لا يكتفي بدور القمر- فيعكس ضوء شيء اخر- بل هو نجما يشع حكمته لينير للاخرين طريقهم ودفئا ليهون عليهم برودة الحياة

الصفراء
انسانه صفراء غيورة جدا جميلة جدا و متفردة جدا تعشق الحياة

الرمادي
وقور جدا هادئ جدا الي درجه تدفع امثالي للجنون وحكيم رغم انفه

الاحمر
انسان نشيط , رومانسي جدا, طموح ,ارى فيه مستقبل باهر لهذا الوطن

الخضراء
خضراء بلون النعناع لها لونه الذي يبث الهدوء ورائحته التي تبث الانتعاش في من حولها

الأربعاء، 25 يوليو 2007

حالة

بقالي كام اسبوع كده في حالة ممتعة
و بدل الرغي اللي مالوش لازمه
ادي جزء من حوار بيني و بين واحده صاحبتي من كام يوم كده
********************************
هي:اخبارك ايه؟؟
انا: حاسه باستقرار غريب
هي: استقرار غريب؟
انا: الاحساس نفسه بيدي راحه
هي: ليه؟
انا: بس مستغرباه؛ بقالي كتيير قوى ماحستش باستقرار
انا: عارفه الاحساس اللي مالوش سبب, الهدوء, لما تبقي الدنيا زحمه و دوشه و فجأه تلاقي نفسك كأنك راكبه مركب ماشي لوحده و مفيش غير صوت الموج الهادي
انا: و حاله من الاطمئنان و الاستقرار
هي: عارفة دا قوي
انا: احساسك انك عارفه انتي رايحه فين و ان هو ده المكان اللي عايزه تروحيه
هي: بيبقى ممتع
انا: بس غريب في نفس الوقت
انا: اهو انا بقالي اسبوعين في المتعه دي
هي: ربنا يديمها متعة
انا: ياااااااااااااااااااااااااااااااااارب


الأحد، 22 يوليو 2007

بعدك على بالي

طل وسألني إذا نيسان دق الباب
خبيت وجّي وطار البيت وفي وغاب
حبيت أفتحلوا
عالحب أشرحلوا
طليت مالقيت
غير الورد عند الباب

بعدك على بالي
ياقمر الحلوين
يازهر بتشرين
ياذهب الغالي
بعدك على بالي
ياحلوا يامغرور
ياحبق ومنتور على سطح العالي

مرق الصيف بمواعيده
والهوى لملم عناقيدو ا
وماعرفنا خبر عنك ياقمر
ولاحدا لوحلينا بإيدو
بتطل الليالي
وبتروح الليالي
وبعدك على بالي

بعدك على بالي
ياقمر الحلوين
يازهر بتشرين
ياذهب الغالي
بعدك على بالي
ياحلوا يامغرور
ياحبق ومنتور على سطح العالي



طبعا بصوت فيروز احلي بكتير


الجمعة، 20 يوليو 2007

بيت السحيمي............و البردة

امبارح كنا في بيت السحيمي
فجأه لمحتها
-مش دي بردة البوصيري
-اه بيتهيئلي
-لاء هي , انا كنت حافظاها زمااااااااان
و طبعا بدأت احكي من غير ما تسألني
في يوم كنا اجازه علشان المولد النبوي قاعدين انا و ابويا بنتفرج على التلفيزيون و بناكل حلاوة المولد
و بعدين بقلب قناة التلفيزيون لقيت احتفال الاوبرا بالمولد
لحد كده عادي بنات و ولاد كتييير لابسين ابيض في اخضر و بيقولوا ابيات شعر
لقيت بابا بيقول معلهم ايه ده يا بابا انت عارف هما بيقولوا ايه
قالي اه دي بردة البوصيري
كانت اول مرة اسمع الاسم
مين البوصيري ده؟ و يعني ايه بردة؟؟
قالي لو عايزة ممكن انتي كمان تبقي حافظاها استني كده
و لقيته قعد يدعبس في المكتبه بتاعته -اللي لحد النهارده مش عارفه ازاى كان بيعرف مكان الكتب فيها و يطلعها بسهوله-المهم طلع منها كتاب صغير كده و كانت اول مرة اشوف كتاب مكتوب بالعربي و بالانجليزي صفحه كده و صفحه كده وبتفتح من الشمال؛و بعدين قالي انا كل اسبوع هاقرالك صفحه و اعلمك ازاى تقوليهم بالالقاء -صفحه دي يعني من تلات الي اربع ابيات-و الاسبوع اللي بعده تسمعيهم و اعلمك الصفحه اللي بعدها............
يااااااااااااااااااااه كانت ايام

*****************

أمن تذكر جيران بذي سلم

مزجت دمعا جري من مقلة بدم

أم هبت الريح من تلقاء كاظمة

و أومض البرق في الظلماء من إضم

فما لعينيك إن قلت اكففا همتا

و ما لقلبك إن قلت اسنفق يهم

أيحسب الصب أن الحب منكتم

ما بين منسـجم منه و مضطرم

لولا الهوى لم ترق دمعا على طلل

و لا ارقت لذكر البان و العلم

فكيف تنكر حبا بعدما شهدت

به عليك عدول الدمع و السقم

و أثبت الوجد خطي عبرة و ضنى

مثل البهار على خديك و العنم

نعم سرى طيف من اهوى فارقني

و الحب يعترض اللذات بالألم


الخميس، 12 يوليو 2007

.....الحب




لان الحب مثل الشعر... ميلاد بلا حسبان
لان الحب مثل الشعر، ما با حت به
الشفتان
بغير أوان

لآن الحب قهار كمثل الشعر

يرفرف فى فضاء الكون ...لا
تعنوا له جبهة
و تعنو حبهة الأنسان
أحدثكم- بداية ما أحدثكم- عن الحب
حديث
الحب يوجعني و يطربني و يشجيني
و لما كان خفق الحب في قلبي هو النجوي بلا
صاحب
حملت الحب في
قلبي ، فأوجعني ، فأوجعني
و لما كان خفق الحب في قلبي
هوالشكوي الي الصاحب
شكوت الحب للاصحاب و للدنيا ،فأوجعني

و لما صار خفق
الحب في قلبي هو السلوي
لأيام بلا طعم ، و أشباح بلا صورة
و أمنية مجنحة
بجــوف النفس مكسورة
حملت الحب للمحبوب ، ثم دنوت من قلبه

و قلت له أتيتك... لا كبـير النفس , لا تياه
و لا في الكم جوهرة ، و لا في الصدر وشحت
و
لكني انسان فقير الجيب و الفطنة
و مثل الناس أبحث عن طعامي في فجاج الآرض
و
عن كوخ و انسان ليستر ما تعريت

صلاح عبد الصبور

إليكما معا


قال لي احبها
اجبت اني سعيدة من اجلك

*****
اليوم سمعت لاموني لبوشناق
و تذكرت حبك لها
*****
إليك و إليها
لا بل إليكما معا

لاموني الي غارو مني وقالولي اش عجبك فيها
جاوبت الي جهلو فني خدوا عيني شوفو بيها
هاد الطفلة الي غرتو منها وحبيتوني باش ننساها
مانقدرشي نبعد عنها وانا كالحوتة في ماها
عاشق ومغروم في فنها حياتي كله وهبتو ليها
انا في عينيها ادم وهي في عينيا حواء
قالولي علاش تعشق خادم قولتلهم افديه من جوا
سمرا وغنا عليها العالم والعالم كله شاهد
يا ناس اش تحبو مني وغرته من السر الرباني
فنية وعشقت في فني وانا الي عاشقها اني
طول حياتي عليها نغني وشعري وفني كله ليها
لاموني الي غارو مني وقالولي اش عجبك فيها
جاوبت الي جهلو فني خدوا عيني شوفو بيها

الخميس، 5 يوليو 2007

إنسان



كائن غريب, شديد الصلابة.

إذا تعاملت معه تجد نفسك بلا وعى

تحاول كسره .................................... خدشه

و كلما حاولت بقوه تتكشف صلابته

و تزداد رغبتك في كسره

و بالمثل تزداد رغبتك في أن يصبح أقوى و أقوى

الأمر ممتع إلا انك بدأت تشعر بالملل

تقذفه بعنف و تتركه على الأرض و ترحل

الاثنين، 2 يوليو 2007

من ليلتها

توقفت امام الباب قليلا
و انصتت الي الصوت القادم من خلفه
انها نفس النغمات الناتجة من عناق انامله لاوتار العود
لعله عاد
هكذا قالت لنفسها فى أمل
ولجت شقتها في شوق فصدمتها بروده السكون و الظلام
*****************************
استقبلها بابتسامه بارده كحجرته
و بعد ان دار الحوار التقليدي بينهما
استلقت مدعيه الاسترخاء
و بدءت في ممارسة طقسها الاسبوعي
***************************
استيقظت على همسته هذا الصباح: صباح الخير يا حبي
و لكني فتحت عيني و لم اجده
....................
احيانا امر من امام حجرة مكتبه فاظنها مضاءه
...................
احيانا اراه جالسا امامي وسط جموع الطلاب في المدرج
...................
و احيانا اخري اراه بجواري و تنتابني رغبه ملحه بان اداعب شعيراته شديده القصر شديده البياض
كما كنت افعل دائما
...................
لكنني دائما افيق علي وحدتي البارده
**********************************
كعادته اوصاها بتناول الأدوية في المواعيد
و كعادتها اتقنت تمثيل الانصات
*********************
من ليليتها
الف شمعه و الف نور
نورت تاني طريقنا
و الضلام في قلوبنا سور *